Ankes Fundstücke: De Esel (der nicht fehlt) - plattdeutsche Ausflüge

De Esel (der nicht fehlt)

Een Buer ut Dummsdörp, dicht bi Wesel,
drifft ut de Stadt herut söß Esel,
de he sik door von`n Markt hett haalt.
Fiefhunnert Mark hett he betahlt.
De Luft is warm,de Sünn schient heet,
de Buer,de löppt sikbald in Sweet
un denkt, wat wullt den Weg du pedden;
kannst di ja op`n Esel setten.
As he nu ritt de Straat hendaal,
tellt he de Esels nu noch maal.
Na,wat is dat? Door fehlt ja een.
Un rund umher is nix to sehn.
He tellt un tellt bloots jümmer fief,
doch den he hett door ünner`t Lief,
den hett he bi dat Tellen vergeten.
Bald kummt he mit een böös Geweten
na sienen Dörp an`n Hoff heran.
Sien Fro, de luert al op ehr`n Mann.
Bedröövt hett he ehr nu vertellt,
dat een von de söß Esels fehlt,
de he von morgen kofft in Wesel.
`Minsch", seggt se, "du büst ok een Esel!
So`n Wunner is ja nich to glöben,
du tellst bloots fief, un ik tell söben!"

(c) August Krantz